Rydym yn cael achosion llau pen yn ail-godi yn yr ysgol yn achlysurol. Yn y dyddiau yma nid yw’r nyrs ysgol yn archwilio pennau plant felly mae’r cyfrifoldeb yn disgyn ar y cartref i gadw golwg ac i ddileu’r broblem.
Er mwyn dileu’r broblem mae’n rhaid i bawb gyd-weithio. Cribwch am lau pen, gan rannu’r gwallt yn ddarnau bach, gan fynd yn ôl o bryd i’w gilydd i’r un darnau er mwyn bod yn siŵr.
Lle i edrych:
- Yn agos at groen y pen
- Y tu ôl i’r clustiau
- Cefn y gwddf
- Top y pen
- O dan rimyn y gwallt
Archwiliwch wallt eich plentyn bob wythnos a’i drin ar unwaith os caiff llau byw eu darganfod.
Am gyngor a mwy o wybodaeth cysylltwch â nyrs yr ysgol Barbara Morgan ar 01267 227638 neu cliciwch ar y linc isod.